新泰東南亞餐廳 (已結業)

今年既周年慶祝飯尚未完結,小胖女今年好醒目地已經安排哂,今次呢間都係我地已經食過,去第二間分店再品嚐,泰國野一向都係小弟首選菜式之一,所以完全對小胖女既安掛十分滿意,黎到被安排坐向一旁既卡位,燈光柔和,夠哂浪漫,事不宜遲,馬上點菜,其實小弟食親泰菜,黎黎去去都係點個幾味,今次都唔會例外,但由於上回既拉麵食完無耐,所以今次以小食類為主,首先係指定前菜,泰式生蝦刺身,夠大隻,醬料點落夠哂辣,之後當然唔小得泰菜代表冬陰功湯啦,呢間新泰既湯用料好足,大蝦同草菇都好多,酸度辣度都岩岩好,配埋蒜蓉包黎點冬陰功湯食夠另類啦,主食方面叫左馬拉盞炒通菜同燒豬頸肉,份量足夠,真係食送都飽左,但話哂周年慶祝,點都要叫海鮮食既,用蒜蓉芝士燒扇貝做結尾,粒扇貝好大粒,配焗既芝士份量亦都好誇張,食埋就岩岩好飽哂,一路嘆返個椰青同小胖女撐台腳,夠哂寧靜同浪漫既一夜