大勝軒丸一 (元朗廣場) (已結業)

2021年9月18號今日約左朋友去元朗試啡，再順道食久違既拉麵😆😆我地大約晚上7點左右去食，因為係晚市所以叫左既單都等得比較耐，雖然店內枱同櫈都係木材冇軟墊，但整體店內乾淨，音樂既音量同冷氣適中，坐係店內好舒適😎😎😎🍜🍜🍜我叫左個魚介豚骨拉麵，麵係用中太方形麵，麵身軟硬適中而且彈牙，冇乜鹼水味，夠小麥味，麵身唔會煮到爛，非常有咬口。🥣🥣🥣麵湯有啲結身濃稠， 有濃厚既鰹魚魚粉既味道，唔會太鹹而且回勁帶鮮甜。🍥🍥🍥麵既配菜有京蔥粒、叉燒、竹筍、嗚門卷、紫菜叉燒係圈形，大約0.2厘米厚，肥瘦比例大約係8：2，比較瘦既。食起黎唔會太油膩而且唔會太乾，叉燒既醬油味適中。竹筍既量比較多，味道偏甜，有少少鹹香。🥘🥘🥘之後再叫左份醬油炒飯，用既炒飯料係叉燒粒、蔥粒、同埋雞蛋。炒飯既份量唔多，啱啱一碗飯（約200克左右）炒飯有鑊氣，醬油既鹹香味帶住口罩都聞到，炒出黎粒粒分明，而且油量適中唔會成只碟都油淋淋。而味道方面，我自己就覺得鹹左少少，叉燒同蔥既香味比醬油蓋過左，而且我食既哩碟飯有少少生米，有啲失望😔😔價錢方面$88至$120左右，個炒飯$38，我叫的麵$88，而且有加一收費，對我黎講中等價錢啦，拉