海雲天

营业中

休息中

周六日，計埋茶界加一，人頭 $260。點心款式種類普通，選擇少，四個人 $1,000，其實可以搵間坐得更舒適、服務態度更好、唔限時唔使趕頭趕命既其他酒店中菜廳飲茶都得。沒有名貴花巧點心，一般蝦餃燒賣，炸物選擇少兼上菜較慢，真係最後衝刺嘅15分鐘先至一次過上晒俾你，唔食又浪費，快食又胃痛。味道是可以，選擇少，尤其是炸物、粥粉麵飯、甜品糖水！加上越嚟越縮皮，每人限量贈品由之前嘅燕窩轉咗做蟹粉蝦餃一粒⋯90分鐘其實大部份時間係等上菜，侍應忙到都唔得閒招呼你亦都唔得閒睬你，叫加茶加水，攞隻匙羹，都唔會好似普通酒樓咁快。點餐就要用QR code用手機點餐。環境是舒適，枱與枱嘅距離比較鬆動，有幸坐到海景玻璃附近嘅位置就更理想，但係90分鐘你都唔知享受得個海景定話趕頭趕命點菜食野好⋯真係唔啱我呢啲cheap精。整體來說，試過就算，應該唔會再有下次，本來交通已經唔方便地點唔就腳，加上食物亦都唔吸引，下次都係唔好貪放題，搵間高級海景酒樓食番水準點心同享受服務好過。