1）今次試咗兩款招牌——白菜豬肉餃同黑松露豬肉餃，真心冇得輸！白菜豬肉餃爆汁鮮甜，肉馅醃得啱啱好，食落完全係新鮮手作感🤓🤓
2）黑松露款就更犯規，一上枱松露香攻鼻，入口濃郁但唔會搶晒鏡，同豬肉夾到裂開🤤
仲要狂推佢哋嘅雞湯！飲第一啖就知冇落味精，清甜到飲完成個胃暖笠笠，好似阿媽煲嘅感覺（但阿媽冇咁好心機😂）！煎餃方面，外表金黃脆卜卜，咬落去內餡keep住juicy，最正係個造型圓碌碌超IG-able，同普通餃子店完全唔同level～
環境方面走日系木調風，坐得超舒服！重點係每張枱都有部平板俾你邊食邊煲劇，仲要連筷子托都係迷你餃子造型，細節控表示極度舒適❤️ 整體嚟講，9.5/10高分推薦，扣0.5分純粹因為...食完會掛住個味道忍唔住encore，個銀包頂唔順啊！
