殿 大喜屋

营业中

休息中

尖沙咀有好幾間大喜屋，不過我就淨係試過極尚大喜屋，今次就走左黎呢間殿大喜屋試下！每一間放題都有不同的特色，而這間大概最大的特色是這裡有海膽菜式！海膽炒飯、海膽蟹肉飯，同埋限時拎既滿滿海膽手卷！海膽真係好正，好好味仲有章紅魚刺身，其他放題都冇咩點見過，重點佢係用海膽醬油，食落有少少海膽味，都幾好食，幾鮮。跟住不少得就係牛舌、燒鰻魚等等，肥美多肉。炸物依然都係唔少得榴槤炸彈、香芋波波啦，芝麻雞翼都係好好味！炸得夠香夠脆。至於刺身，都好鮮美，都係新鮮冇黑冇霉，三文魚同帶子都係厚切壽司方面，一定要推介呢個鵝肝和牛壽司，淡淡鵝肝加上燒和牛味，真係好好味！當然蟹棒壽司等等都唔失色，全部都有齊水準。而飲品方面估唔到有荔枝烏龍茶，味道甜甜地唔錯，仲有最新既纖解茶，啤酒都一樣有。小食方面，除左一貫既八爪魚同螺肉等等，亦都有咖哩魚蛋、薯格同章魚小丸子，味道都唔錯。