影片
更多
2012-07-14
16 浏览
我份人好麻煩，但係又好怕麻煩，所以好少影相同寫食評，呢間店我其實已經去左幾次，絕對值得我為佢寫一篇食評。身為一個拉麵fans，我第一次去呢間店唔係因為任何介紹，只係因為我路過佐敦，咁岩搵緊晚飯食，見到有呢間拉麵店，價錢又唔貴就入左去啦。岩岩上次去係6月30號夜晚，係駿發出席完活動之後帶佢一齊行過黎食，第一次唔係自己一個，所以有機會叫到小食啦。我係呢間店食過ge包括拉麵：橫濱醬油拉麵、味噌拉麵、血之池地獄拉麵小食：Pizza 春卷拉麵方面，橫濱醬油拉麵係鎮店之寶，根據店家貼出黎ge龍虎榜，呢個拉麵都係位居香港人同日本人喜愛ge首位，我個人就唔鍾意豚骨湯底，呢個醬油湯底就岩晒我口味，清淡得黎芳香，配埋入口即溶的叉燒，簡直一絕。味噌拉麵幾有特色，香港可能比較少，未必人人接受，但係個人就幾鍾意，純粹湯底唔同，同醬油湯底分別不大。血之池地獄拉麵，個人喜好食辣，呢度個血池真係岩晒我，絕對夠辣。但係佢辣得黎個湯底仍然算係清，我叫親呢個都飲到大半碗湯，佢種辣係入口刺激，但嗒落仍然唔會蓋過本身個湯底，如果我冇估錯，應該係清淡ge豚骨湯底加番個醬油調味。小食方面我只食過一樣，因為只有一次唔係自己一個去，P
身為一個拉麵fans，我第一次去呢間店唔係因為任何介紹，
只係因為我路過佐敦，咁岩搵緊晚飯食，見到有呢間拉麵店，價錢又唔貴就入左去啦。
岩岩上次去係6月30號夜晚，係駿發出席完活動之後帶佢一齊行過黎食，
第一次唔係自己一個，所以有機會叫到小食啦。
我係呢間店食過ge包括
拉麵：橫濱醬油拉麵、味噌拉麵、血之池地獄拉麵
小食：Pizza 春卷
拉麵方面，橫濱醬油拉麵係鎮店之寶，根據店家貼出黎ge龍虎榜，
呢個拉麵都係位居香港人同日本人喜愛ge首位，
我個人就唔鍾意豚骨湯底，呢個醬油湯底就岩晒我口味，
清淡得黎芳香，配埋入口即溶的叉燒，簡直一絕。
味噌拉麵幾有特色，香港可能比較少，未必人人接受，
但係個人就幾鍾意，純粹湯底唔同，同醬油湯底分別不大。
血之池地獄拉麵，個人喜好食辣，呢度個血池真係岩晒我，絕對夠辣。
但係佢辣得黎個湯底仍然算係清，我叫親呢個都飲到大半碗湯，
佢種辣係入口刺激，但嗒落仍然唔會蓋過本身個湯底，
如果我冇估錯，應該係清淡ge豚骨湯底加番個醬油調味。
小食方面我只食過一樣，因為只有一次唔係自己一個去，
Pizza春卷，幼長形春卷，入面包ge係類似Pizza基本材料，
最主要同香口就係個芝士，好好食。
強烈推介，絕對會keep住去，除非佢水準轉差啦XD
张贴