更多
2007-11-30
9 浏览
雖然已經事隔數天,到而家依然一肚氣...話說我同成班朋友於11月25日(星期日)book左呢度食飯,諗住未去過呢度就試下啦,因為我地都有成12位,所以早於2星期book左位(當時係book左露天位置),到聚會前兩天(即星期五)因突然諗起其中一位朋友有身孕,為免她著涼,故此致電通知餐廳將原來露天位置改回室內,當時電話中那個女侍應還回答我沒有問題...到那天6:00到餐廳後,發現他們根本沒有替我們更改位置,而且他們還跟我說:"你地係訂左出面喎",我立即回應他我2日前已經通知你們更改位置了...隨後還等他們將位置set up好才可以就坐..(注意:當時餐廳室內+室外之入座率不到一成),坐低後睇左個餐牌,因只見半BUFFET既餐牌($168/位),我BOOK檯時已經問左佢地除左當BUFFET外係有SET DINNER ($138/位)可以選擇,因為係咁先諗住比朋友有多一個選擇,點知問佢佢話佢地今日冇SET DINNER喎,即係又比佢地昆左....唉!!最後唯有散叫,不過都係唔抵食+唔好食收場...到一個小時多後,慢慢感覺到餐廳的冷氣越來越凍,因其中一位朋友有身孕,而且我地所有人都覺得很冷,故此
話說我同成班朋友於11月25日(星期日)book左呢度食飯,諗住未去過呢度就試下啦,因為我地都有成12位,所以早於2星期book左位(當時係book左露天位置),到聚會前兩天(即星期五)因突然諗起其中一位朋友有身孕,為免她著涼,故此致電通知餐廳將原來露天位置改回室內,當時電話中那個女侍應還回答我沒有問題...
到那天6:00到餐廳後,發現他們根本沒有替我們更改位置,而且他們還跟我說:"你地係訂左出面喎",我立即回應他我2日前已經通知你們更改位置了...隨後還等他們將位置set up好才可以就坐..(注意:當時餐廳室內+室外之入座率不到一成),坐低後睇左個餐牌,因只見半BUFFET既餐牌($168/位),我BOOK檯時已經問左佢地除左當BUFFET外係有SET DINNER ($138/位)可以選擇,因為係咁先諗住比朋友有多一個選擇,點知問佢佢話佢地今日冇SET DINNER喎,即係又比佢地昆左....唉!!最後唯有散叫,不過都係唔抵食+唔好食收場...
到一個小時多後,慢慢感覺到餐廳的冷氣越來越凍,因其中一位朋友有身孕,而且我地所有人都覺得很冷,故此我們走出室外位置感受一下溫度(室內比室外低6-7度,當晚大約只有22度左右),故此我們跟一位男侍應生要求轉檯到室外地方,及後他回應我話唔可以(其實係唔想幫我地搬d野出去....),他的藉口是因為我們之前是book左出面,而家已經幫我地轉左入黎(嘩,真係唔該晒喎!!!),所以佢地已經將d大檯拆開左比人,而家得返4人檯....根本係笑話,當時已經係7點幾既黃金時間,以佢地既入座率,根本係冇可能有人BOOK左檯而比唔到我地,仲同我地講:"呢D客人要自己負責返"...WA..我地一早通知左你地要轉入室內,係你地自己既問題,而家仲要咁講野,我有D咩責任要負呀????離晒譜!!
仲有我有2個朋友係點左半BUFFET,所以佢地可以任食SALAD同頭盤,其中一個侍應仲講左句好攪笑既野:"因為只有你2個係叫左呢個當BUFFET,所以如果你D朋友都有食既話要收$架",駛唔駛同客人講d咁既野,真係冇厘大方lor
之後叫左個經理過黎,佢既答案竟然係同個侍仔一樣,仲要D態度唔係幾好,死都唔肯轉,跟住同佢講問佢可唔可以開細D個冷氣,佢都話唔得,一係就熄左佢,一係就咁凍喎???!!!當時室內個場係只有我地一檯人,你話佢地幾好生意呢??!!!最後就係一個冇冷氣既地方食左呢餐飯..真係吹脤!!!!
可惜我地岩岩落左單,唔係就真係即刻走,(而家諗返都有D笨,落左單都可以走...)我地最後12人都幫襯左佢地千幾蚊..諗起佢地同我地既每一句說話都唔係一間餐廳應有既服務態度,到最後我地8點幾離開,果度既入坐率都依然不變(全場約只有10多人),之前同我地講話拆左d大檯比人既事根本係大話,出面眼見起碼都有3張大檯,呢間咁既野最後都大家都食到媽聲四起,根本係可以用""不知所謂""黎形容,我地成班朋友都覺得佢地呢d咁既態度真係難以想像仲可以生存...
最後,希望所有想去呢間餐廳食野既人,如果你係想比$食一餐咁既飯又或者想知道咩叫做"劣質服務態度"呢,你地就真係揀岩地方喇,不妨一試....
祝"天幕餐廳"早日結業...!!!!!!
张贴