ET鹽水雞

我平時係出面啲分店都係買開一人餐加五配菜總共$87定$89，分量係好足料既，對得住個價錢，點知係屯門呢間分店就真係差到我點都唔會再食同推薦人食呢間分店。
一買完攞起個袋就心感唔對路，好輕，即刻搵地方攞盒野出黎睇睇，冇打開都睇到唔滿既盒野。

番到屋企一打開就心諗：下，個份量點解同我係其他分店買差咁遠，同係出面分店買個一人餐差唔多，一夾起啲餸全部薄到唔望下擺入口都唔知自己識緊乜，除左薄，青瓜唔爽脆、薯仔又粉、豬耳就太脆、蘋果又稔。料真心差，份量又對唔住個價錢，連味道都唔得，而且明明可以揀雞腿定雞胸又話冇得揀，話之後所有分店都係咁，係咁就應該出番張新既點餐紙啦！餐紙寫左有架嘛！
我真心唔想畀劣評，但我真係未試過食唔同分店質素可以差到咁。