牛牛日式火鍋放題 (海之戀商場) (已結業)

昨天小兒生日，佢選擇食火鍋放題，於是決定去海之戀，但爸爸見到呢間未食過，於是決定試吓，去到門口選擇好湯底同邊個套餐之後就可以入去，我哋選擇左$248嗰個，坐低之後湯底好快送上，另外擺低座4碟肉類，應該全部都係牛，所以我再嗌左D豬肉同埋羊肉，啲豬肉同羊肉送到黎嘅時候，循例都問吓邊啲係豬邊啲係牛，佢啲態度非常之差好唔願意答，問咗兩次先至黑口黑面話俾我聽邊啲係豬邊啲係羊，水滾當然開動啦！我哋個套餐有三種級數嘅牛肉選擇，第一轉嚟嘅時候有兩隻睇嚟相當不錯，只有一隻未食就已經知道應該比較硬身，果然澳洲飼牛同美國頂級牛肉真係唔錯，於是當然淨係再加單第一同第二級啦！啲嘢都嚟得幾快，個頭點完轉頭好快就上枱，一上枱，嗰兩碟牛肉同之前我兩種完全都唔同樣，後來問過侍應呢兩隻係唔係我嗌過兩隻，佢話係只係部位唔同，唔會差咁遠掛，食落好似另外我話比較硬身嗰隻咁，原來佢每一種會用唔同顏色嘅兜上枱，所以侍應一睇就就話冇黎錯，其實都去過其他火鍋放題，都有啲咁嘅情況，但係通常頭果三轉都唔會差得太遠，都食到四五轉嘅時候就可能會有啲分別，當然我亦都去過一啲食幾多轉都係咁靚嘅啲牛肉，但係唔好咁離譜第二轉就已經唔同咗樣，一間服務已