太平洋咖啡 (已結業)

近排心情麻麻，需要食啲甜嘢平衡一下。行開荷里活廣場，見到呢款甜品又有聖誕feel，外形又好突出，所以就外賣返屋企試下。抹茶柚子撻($30)。最外層係抹茶糖霜，質地硬身唔似cream。甜甜地，有黐黐立立口感，不太討好。有幾粒金色脆米響面，得個靚字。裏面有一層海棉蛋糕，乾濕度合格。再入面係一層柚子味jam，好清新。再下面係抹茶mousse，好輕型，甜度適中。撻皮唔算脆身，好重牛油味。總結， 有咁多層次真係需要好多功夫，會加分，但每個層次好唔好食都好重要。我寧願少啲層次多啲好味。