漁牧 (已結業)

同幾個朋友想食水煮魚想食咗兩年都未有機會一齊食，終於可以約埋一齊去食啦，最後我哋揀咗呢一間餐廳fisher & farmer。見到佢嘅烤魚好吸引，所以就點左烤魚，原來都幾好食㗎。啲魚肉好滑，味道雖然好重但係唔會覺得好辣。平時少食辣嘅朋友都有一齊食，終點左其他小菜，個醉雞都好好食。但係呢間餐廳的服務員態度好差，而且有啲粗魯，好彩啲嘢食好食如果唔係成餐飯都唔開心！不過呢度可以坐好耐，我哋坐到啲人走晒我哋先走。而且啲座位好闊落，想傾計傾耐啲嘅話可以嚟呢度。