雲魅 (已結業)

上網睇到呢間店既介紹，長時間煲既湯底同自己放餸同米線既食法都幾特別，吸引左我黎試，叫左最基本既過橋七彩麵套餐，一個人試特色湯底，另一個試蕃茄湯底。試晒2種湯底後，較推薦特色湯底。另外，我飲左唔少都唔喉乾，抵讚。肉就一個試肥牛，另一個試豬腩片。肉既分量唔算多，但處理得幾好，無雪味，都有肉味，個人較推豬腩片，因為較厚實，較滿足。前菜叫左雞同青瓜，感覺雞肉辣就好，青瓜就唔推，較酸。飲品叫左凍紅棗蜜同柚子蜜，健康路線果種，唔會有冰又好好飲果種，感覺行家庭路線。侍應好有禮貌，滿分。價錢偏日常都會去果種，1個人約7x，可encore。8/10!