吞POT 雞煲火鍋.住家菜 (已結業)

如果大家鐘意食辣的話都知道,食辣係會食上瘛,仲要如果停食一排再食返,真係難道沒練習太耐,感覺都追不回來,小弟今次就同埋小胖女去食雞煲,去到旺角就搵到呢間吞POP雞煲,名就夠卓啦,但要試下先知佢係咪吞POP,餐廳位於敦道726號23樓,非常之高,安排入坐係窗口位,一望無際既旺角夜景,坐呢到黎食雞煲一D都唔吞POP,環境即時加哂分,落單就叫左辣酒花螺雞煲,稻庭烏冬菜,茶樹菇,粟米,仲有餐廳而家做緊推廣既1蚊碟肥牛,芝心手打牛丸同爆芝響鈴飲品就叫左兩大杯青瓜同西柚特飲大約10分鐘到就上雞煲啦,由於有得比客人選,BB辣,小辣,中辣,大辣,而小胖女經我訓練之下,實力都有返咁上下,所以我地就叫左中辣黎食,先講個煲,雞肉同螺都超多,非常入味,仲要係逾食逾辣,唔洗20分鐘基本都清哂個煲,之後開始打邊爐啦,由於食左半隻雞,都飽左一大飽,1蚊碟肥牛亦都好夠食,其他栗米同茶樹菇起左解辣既用途,但都係一路食一路都叫好辣再黎到浸左辣湯既菜,已經開始辣到有D頂唔順啦,最值得期待既芝心手打牛丸同爆芝響鈴到最後先食,響鈴係已經炸好左,可以即食,一咬真係成pat芝士飛出黎,浸左湯黎食,加左辣又有另一返風味牛丸亦都唔執輸