山下見日式料理 (已結業)

今日同男朋友想食日本野，但又唔想去葵廣掃街（怕成日除口罩染病），咁就上網搵下附近既日本餐廳，見有人推薦呢度，所以我地就黎試下。我地下午1:45左右到餐廳門口，都有4-5個人排緊隊，我地大概2:15左右就入到去坐。我地2個排隊個陣見到餐廳有omakase（十貫壽司） ，個價仲只係$168，於是我地決定試下。另外，我地都點左明太子玉子燒。我地點完野食，一路見佢地出既食物都好香，所以我地對一陣上既食物又更期待！果然，呢十貫壽司都好好食，當中我覺得最正係海膽軍艦同埋三文魚。海膽軍艦好鮮甜，而且冇明礬既味。三文魚既魚油亦好香好多。而明太子玉子燒都好味，蛋入面好滑好多汁。