第一時間試咗片厚切三文魚，油脂分布好似雪花咁靚，入口豐腴甘香，完全係融化係舌尖嘅感覺，鮮味濃到不得了！跟住到隻赤蝦， size大到嚇親人，蝦肉爽脆彈牙，仲帶有淡淡嘅甜味，一啲雪藏味都冇，正到難以置信！
另外兩款分別係北寄貝同帶子，北寄貝食落鮮甜爽口，完全唔會韌；而帶子就非常軟嫩，鮮甜味非常突出，簡單點少少醬油已經係極上享受。成個刺身盛合嘅鮮度無可挑剔，每一款都係高質貨色，師傅嘅刀工同處理亦都非常到位。
食完呢個刺身盛合，真心覺得呢間食堂絕對唔止拉麵咁簡單，絕對係隱藏咗個實力派海鮮高手！下次再嚟元朗，一定會再翻尋味呢個高質刺身！
4
