一坐低唔使諗，首先衝佢個招牌雞煲！個煲一上枱，「滋滋」聲兼香氣撲鼻，醬汁濃稠，睇見都流口水。雞件份量足，煮到入味非常，肉質嫩滑得嚟又唔會散開。個醬汁先係靈魂，香辣惹味，帶少少甜，食到停唔到口！我同朋友瞬間就清咗成煲，仲想encore多個添！
食完雞煲，店員就好快手幫我哋轉番個火鍋湯底。重點嚟啦：佢放題嘅安格斯肥牛，質素真心唔錯！油脂花紋好靚，淥完之後肉味香濃，口感軟嫩，完全唔似一般放題嘅薄切「紙皮牛」，絕對係回本之首！我哋每輪叫都係咁上下水準，店家絕不拖慢手腳，抵讚！
除咗主角，其他火鍋料都係誠意之作。手打蝦滑彈牙又鮮味；芝士牛丸真係會流心！蔬菜同其他丸類選擇都多，而且補貨好快，唔會揀唔到想食嘅嘢。
