翔壽司

营业中

休息中

呢间之前都听朋友介绍过，寿司有水准而且价钱亲民，咁就要食下先知系咪咁抵食😄由于店内座位不多，已经FULL左，黎到要先等一等位。入座后先睇MENU，呢到MENU简洁易明，列得清楚，中意可以自选寿司单点又得、或者食预设好嘅寿司SET都得。今次同朋友决定食特上寿司盛合($250)、三色手卷盛($88)、拖罗海胆杯($138)拖罗海胆杯：用料非常吸引，里面有拖罗、海胆、三文鱼籽，都系我劲中意嘅野黎，加埋一齐当然极为满足🤤海胆份量绝不吝啬，够新鲜，味道亦香浓，三文鱼籽咬落爆晒汁唔会腥，配合埋拖罗蓉，味道层次丰富🤤三色手卷盛：指定有鳗鱼手卷、葱拖罗手卷、辣味三文鱼手卷，职员提醒先食手卷，免得紫菜放到淋晒，果然一食好脆身😋辣味三文鱼几惹味，鳗鱼够肥美烧得几香，而葱拖罗入口幼滑又充满鱼脂香味😎特上寿司盛合：指定十款寿司，即系有海胆、三文鱼籽、牡丹虾、带子、炙烧金线鲷、拖罗、深海池鱼、池鱼、油甘鱼、真鲷，一上菜净系卖相充满光泽，已经话俾我知够晒新鲜😍食落果然无令我失望🤩牡丹虾鲜甜弹牙，炙烧过嘅金线鲷充满鱼香，真鲷平时比较少食，一食就觉得味道鲜美无比🥰带子系我嘅至爱，肉厚肥美兼且鲜甜👍🏻大合照🤩环境空间唔