極尚大喜屋 (加連威老道) (已結業)

每次晚飯時段經過都見到排晒長龍，終於到我親身試試佢係咪真係咁吸引啦！呢排天氣咁熱，第一時間梗係叫左野飲先。呢度飲品選擇都算多，我就揀左樂天蘆薈芒果汁。重點當然係要夠凍啦。一路飲野就一路開始揀刺身啦。基本一定要有既三文魚好肥美！另外個人推介北海道帶子，油甘魚同鮮赤貝。可以額外再encore呢！蝦刺身就分別有甜蝦同赤海蝦，後者鮮味更出。松葉蟹腳係季節限定既item，同行既朋友表示很喜歡。蟹肉胡麻豆腐食落去涼浸浸，係夏天必叫。唔使擔心蟹肉得個一兩粒，份量絕對係相當合理。平時壽司都係普通放係碟上面，但係呢度竟然用afternoon tea既tray上，成件事即刻變得好grand呀！呢度亦都有特別款式既壽司。海膽三色花同牛油果三文魚龍蝦沙律呢兩款係我地既至愛！至於炸物方面，榴槤愛好者一定要食炸貓山王！一咬開就有好香好濃郁既榴槤香氣。總之就係好回味啦！其實牛油炒粟米看似好簡單，但係食得出呢度既係真係有落足牛油去炒，唔係求其交行貨個種。最尾甜品當然唔少得每人一杯Haagen-Dazs雪糕啦！不過我地掛住食，已經忘記左要相機食先啦。值得一提既係呢度有焦糖脆餅味，呢隻味唔係好多餐廳有嫁。