影片
更多
2012-11-06
30 浏览
我一生人第一次要寫食評，係因為真係嬲到非寫不可，我都唔想間野新開張就有D咁差的食評，今日又同呀仔去咗樓下新開間墾丁茶房食下午茶餐，因為星期一已經黎食過，西多士+雞扒，另加5元轉飲珍珠奶茶，個餐正正常常都OK架，點知6日後再食就出事啦!27元的肉燥新竹米粉配2件迷你雲吞加5元的珍珠奶茶X2共64元先黎2件迷你雲吞，寫明係迷你雲吞，真係無講錯，非常迷你!但個餐牌寫肉燥新竹米粉配2件迷你雲吞，咁點解連個肉燥新竹米粉都變埋迷你?(因其他餐如果是配迷你粉麵都會清楚列明)，D肉燥仲要得一小匙羹仔!似食肉汁新竹米粉多DD米粉得個兩啖，食咗唔洗2分鐘就食完晒成個餐，但杯珍珠奶茶就等咗10分鐘先黎到，而且仲無跟糖水一齊上，唯有問個女侍應攞糖水啦!點知佢走咗去水吧附近執檯，執完檯又行返番黎企係我隔離，我只好再問多佢一次啦，但係佢一D都唔覺得無攞糖水比個客係有問題，要個客問完一次又一次，先行去水吧攞番比我!點解我個肉燥新竹米粉變埋迷你?我當然要問下個當值經理啦，但個位經理埋到黎只係講咗句:：「 Li個餐係細米粉，我地會改返啱個餐牌。」咁就走開咗，又係去咗執檯，佢完全唔覺得間餐廳係呃緊個食客請個經理返黎只懂得
27元的肉燥新竹米粉配2件迷你雲吞加5元的珍珠奶茶X2共64元
先黎2件迷你雲吞，寫明係迷你雲吞，真係無講錯，非常迷你!
但個餐牌寫肉燥新竹米粉配2件迷你雲吞，咁點解連個肉燥新竹米粉都變埋迷你?(因其他餐如果是配迷你粉麵都會清楚列明)，D肉燥仲要得一小匙羹仔!似食肉汁新竹米粉多DD米粉得個兩啖，食咗唔洗2分鐘就食完晒成個餐，但杯珍珠奶茶就等咗10分鐘先黎到，而且仲無跟糖水一齊上，唯有問個女侍應攞糖水啦!點知佢走咗去水吧附近執檯，執完檯又行返番黎企係我隔離，我只好再問多佢一次啦，但係佢一D都唔覺得無攞糖水比個客係有問題，要個客問完一次又一次，先行去水吧攞番比我!
點解我個肉燥新竹米粉變埋迷你?我當然要問下個當值經理啦，但個位經理埋到黎只係講咗句:：「 Li個餐係細米粉，我地會改返啱個餐牌。」咁就走開咗，又係去咗執檯，佢完全唔覺得間餐廳係呃緊個食客請個經理返黎只懂得落單同執檯!等同一位侍應，知道咗餐牌出錯都唔識得向客人道歉。總結:
1. 就算係個餐牌印錯，個餐都無可能得2件迷你雲吞配少肉迷你米粉，仲哀過大家樂加3.5元就有一個D雪菜肉絲米，食完好似無食過野咁，但係要27元:
2.其實 女侍應上餐飲時，漏咗比糖水已經唔啱，到個客人問佢攞，佢都唔係即刻去，不如等個客人自己去攞，做侍應係唔係應該以客為先，先招呼客人，然後至去執檯。因為佢執完檯已經唔記得咗要攞糖水
3. 如果是一個有經驗的經理，絕對唔會唔重視自己間餐廳出錯，遇到有客人投訴一定會認真處理客人的意見及問題，如果當時有客人等檯用，我絕對可以接受，但在沒有客人等候的情況下，個經理只向在投訴中的客人講咗句會再印過個餐牌就走開咗，仲只係去執檯，佢除了無專重個客人外亦示範咗比下屬睇，什麼是「執檯至上」，今餐使我明白到女侍應點解去執檯都唔去攞糖水補番比個客!
张贴
