八幡屋涮涮鍋 (已結業)

好耐無同班朋友一齊食飯，想坐耐少少吹水又要地點就腳同多野食的真係吾多，因為好多放題火鍋都係做2小時。呢間位於瓇華3小時放題火鍋真係好fit.早幾日經WhatsApp book位有優惠價二人同行一人半價同有生蠔一隻，A4和牛一份。放題刺身都多種類，有我喜愛的劍魚腩，甜蝦，赤貝，吞拿魚等等。火鍋有M5和牛，牛肩甲，象拔蚌，墨魚滑等等，其他都一般，仲有其他熟食，平民雪糕同大路的飲品。今次聚會為主，都好少岀去拿野食，全程都係主力食M5和牛同劍魚腩甜蝦，因為質素都新鮮，比預期好👍🏻，就係呢幾樣同送個份A4和牛都值回票價。值得推薦俾想同班朋友坐耐啲吹水又可以食到美味食物的朋友。