The Blind Pig (諾士佛臺) (已結業)

呢一晚約左朋友去尖沙咀搵地方吹水食野，太耐無見呢個朋友，自從佢轉左工後都好難約佢，呢次終於有機會約到佢，緊係要食下好野啦。呢間店有得嗌唔同嘅小食同埋cocktail，環境就有feel，真係好似去左外國啲bar咁，起碼有種去外地旅行嘅感覺都唔錯。聽講Salted pig係佢地嘅招牌菜，亦都因佢而出名，佢地好識用豬嘅最好部位，亦都會新鮮而又高質嘅食材去做菜式。打頭陣我地叫左水牛城辣雞翼，醬汁包滿啲雞翼，勁入味。新豬肉肉醬意粉呢個名好特別，佢特別在其實係素食黎，食落同平時啲肉醬意係無分別，而且仲好食左。慢煮豬小腿（連骨）好大份，好易切，而且啲皮同油脂香係好惹味。甜品方面，我地揀左香蕉麵包布甸，拖肥醬，雲尼拿雪糕，有呢個做結尾真係好perfect。飲品當然唔少得，我地揀左Minty Grape同埋Elderflower Highball。呢間真係好有feel，岩哂吹水。