影片
更多
2013-03-16
152 浏览
香港、九龍、新界人約食飯, 真係好難就地點, 通常都係尖咀, 但今次因為係叫香港人諗食乜, 所以就要就佢過海, 去咗time square食..........對於我呢個新界人嚟講, 就真係遠咗少少, 不過咁耐先見一次, 冇所謂啦~~ 唯有早d食完早d返歸好過...........雖然話係香港人諗食乜, 其實佢都係定咗個地點, 再行下睇下有乜好食, 點知就選咗呢間, 話因為周圍都係食中餐, 見呢間未食過, 所以試下wor~~我本人覺得食物選擇好似好多, 但唔係太適合我食, 至於周圍環境似外國校園, 大部份都係長木枱, 搞到全部都似搭枱咁, 對香港人嚟講應該唔太適合, 因為冇乜私人空間, 人地講乜你又知, 你講乜人地又聽到, 但對於外國人或者曾經外國生活又或者熱情的人可能好鍾意...........你又可以選擇坐bar枱, 飲嘢吹水啱哂~見到餐牌先知點解呢間餐廳叫SML, 原來佢d食物全部分開3個size, 就係S、M、L喇~ 由於想樣樣試下, 所以全部都係叫S, 好似到喉唔到肺咁............. 地中海魚湯配香蒜蛋黃醬及多士 開頭仲以為係白湯tim~ 原來都係紅湯, 本身
我本人覺得食物選擇好似好多, 但唔係太適合我食, 至於周圍環境似外國校園, 大部份都係長木枱, 搞到全部都似搭枱咁, 對香港人嚟講應該唔太適合, 因為冇乜私人空間, 人地講乜你又知, 你講乜人地又聽到, 但對於外國人或者曾經外國生活又或者熱情的人可能好鍾意...........你又可以選擇坐bar枱, 飲嘢吹水啱哂~
見到餐牌先知點解呢間餐廳叫SML, 原來佢d食物全部分開3個size, 就係S、M、L喇~ 由於想樣樣試下, 所以全部都係叫S, 好似到喉唔到肺咁.............
地中海魚湯配香蒜蛋黃醬及多士
開頭仲以為係白湯tim~ 原來都係紅湯, 本身都杰杰地, 似忌廉湯質地, 飲落一d都唔滑口, 應該係將好多配料打爛一齊煲, 好香濃魚味, 但又一d都唔腥, 唔錯~個多士好脆, 但唔熱, 塗上香蒜蛋黃醬, 令多士滑身好多, 但個醬唔夠蒜茸味, 如果勁d蒜茸味就仲正~
白酒蜆肉扁意粉
得果3-4隻蜆, 不過好大隻, 而且冇沙, 仲好香酒味~ 而個意粉軟硬適中, 時間掌握得好好~西班牙海鮮飯
一pat嘢咁, 好似爛飯仔咁, 而且有好多我唔太like的青豆, 仲多過d飯, 反而海鮮就只得蝦、藍青口、魷魚各1, 好似係咁上下, 唔太記得, 總之每人分到1款海鮮啦~~ 香蒜辣椒烤蝦
有5隻, 幾驚佢辣呀, 但原來冇乜辣, 連我呢個唔食得辣的人都覺得冇問題, ,可能d油溝淡咗d辣掛? 唔知佢用咩蝦? d蝦殼林到可以食埋, 而d肉質都ok, 有少許爽口咁啦~ 摩洛哥辣味烤羊肉串配薄荷乳酪
呢勻真係唔食羊肉都一身羶, 碟嘢一放低, 我已經聞到好勁羊羶味, 如果唔食開羊的朋友, 就好似我朋友咁, 一啖都食唔到, 好彩我都叫做勉強接受到, 所以呢味餸由我包底...............個薄荷乳酪醬一d薄荷味都冇, 如果配平時用開果d薄荷醬的話, 就可以蓋過大部羊羶味, 呢味餸識真唔掂,,,,,,,,,,,,,,,
水牛城炸雞翼配燒烤汁
有2隻中翼2隻槌, 炸得好脆口, 就算包裹咗層醬汁, 依然好脆口...........不過個燒烤汁酸咗d, 唔知係咪外國味道?焗脆蛋白配鮮芒果
係將鮮芒果碎同汁淋上一球脆蛋白, 一定要夾埋一齊食, 因為個脆蛋白偏甜, 芒果醬偏酸, 但合埋一齊的效果就ok~相信如果有機會再幫襯的話, 下次會係先食飽個肚, 然後先嚟呢度吹水飲嘢...............
张贴
