泰道 (已結業)

今日同朋友去咗西貢度玩狗 玩到非常之開心 睇住啲狗狗喺西貢嘅沙灘跳嚟跳去 我都同啲狗喺沙灘一齊跳嚟跳去 簡直係人狗樂融融 玩到好熱又好攰 就去咗搵間餐廳坐下涼下冷氣 順便消磨下時間啦 見到呢間餐廳食泰國野 認真唔錯 仲有得睇世界盃 所以就走咗入去食住睇波大蝦沙律 蝦肉非常之彈牙 沙律入面有芽菜等等令到成個菜式嘅口感非常之爽脆清新 值得一讚蚵仔煎 香濃嘅蛋漿配上鮮嫩多汁而且飽滿嘅蠔仔 煎成一個非常之出名嘅蚵仔煎菜式 蠔入面亦都有非常之勁嘅海水味 所以除咗蛋香之外仲食到海鮮味炒金邊粉 炒得非常之乾身 而且少少酸酸甜甜咁樣 好開胃泰式燒雞 係呢間餐廳嘅招牌菜式 呢個燒雞嘅香料亦都用上五香粉等等 所以令到燒雞除咗香脆之外 仲有非常之香嘅燒烤味 果然係名不虛傳嘅招牌菜式呀芒果糯米飯 最後就試埋呢個甜品 芒果糯米飯 芒果嘅味道非常之香甜可口 應該係香甜嘅呂宋芒 而糯米煮得非常之軟骨 配上香甜濃沃嘅椰漿撈埋一齊食 簡直係感覺去咗天堂一樣呀