安安燒 (染布房街) (已結業)

約左朋友喺旺角食飯，又冇耐冇食串燒，見到網上有人推介安安燒，於是就去食啦。惹味蒜蓉生燒茄子，茄子原條上，好大條，蒜蓉夠多，啱曬鐘意食蒜蓉嘅人。燒韮菜，一串嘅份量都幾多，唔太辣嘅。朱古力燒生蠔，見呢樣係店舖特別推介，所以就嗌左黎試下啦。幾特別嘅，一入口成口都係朱古力味，生蠔味慢慢再滲出黎，比我想像中夾呀。我地仲嗌左蒜蓉牛油焗金菇，牛油味超香，蒜蓉都好多，好好味。沙爹豬頸肉，豬頸肉好稔，好入味，呢個好食到想叫多一碟。