吞POT 雞煲火鍋.住家菜 (譽發廣場) (已結業)

因為疫情關係，好多朋友都少咗出嚟見面，趁今日放假就約返個老朋友聚下舊，傾計食嘢最好打邊爐，醒起旺角吞POT 雞煲火鍋，環境好闊落，坐得都幾舒服，食物質素都唔錯，啱晒我哋！招牌鮮魚湯，個湯底都有好多料，魚湯同豆腐真係最佳拍檔，魚湯鮮味十足，豆腐滑嘟嘟，重有菇和蕃茄，好似係屋企飲湯嘅感覺！西班牙頂級黑豚豬梅肉，脂肪分布平均，肉質鮮嫩，厚薄適中！自家製鮮蝦雲吞，餡料飽滿，雲吞中既蝦鮮甜爽口, 加上有韭黃增添香味！鮮腐竹口感軟腍滑溜，有豆香。