PRET A MANGER (港鐵金鐘站)

营业中

休息中

第一次買PRET嘅沙律，之前覺得五十幾蚊一堆菜好唔抵，但試過後覺得合理，因為真係好新鮮同埋好足料。我買嘅係吞拿魚沙律，下而有好多生菜，全部都好新鮮，一片葉都冇發黃！上面有啲車厘茄同埋青瓜。車厘茄冇乜特別，青瓜都好新鮮。成個盒有三分之一都吞拿魚，好足料！吞拿魚好食，上面啲枝豆都好食！仲有一隻蛋，上面有啲黑胡椒，所以唔會唔夠味。揤左檸檬汁後，成盒都好FRESH！佢嘅沙律醬味道幾特別，係自家口味，不過我冇食，因為我食沙律都唔鍾意落沙律醬。PRET真係可以做到日日新鮮日日清，佢啲沙律係我食過咁多間外帶沙律舖頭最新鮮最好味嘅！之後我都會繼續買PRET！