篤篤車 (已搬遷) 新店位置

之前見好多網上平台都sell 呢間新進食堂，見大家食完評價都唔錯，所以都專登過黎一試。間舖細細間，當日可能係假期，所以都差唔多滿座。樓面得一位侍應，坐低自己喺張點餐紙劃想order的食物，價錢唔貴，3餸一麵都係收$35，海鮮每款另收$2。最後我點左珍珠元貝，冬菇同雞腎，冬蔭功湯底幼麵。因為間舖頭主打泰式湯底所以我對佢期望都幾高，可惜最後都係失望😞。首先講下個湯底，味道偏淡，得個辣字。而餸菜方面，除左冬菇炆得比較入味，其他都零驚喜，味道真係一般。