火水爐花膠館 (已結業)

一行6人。$198兩小時任食。1. 本身唔係幾好海鮮同埋對肥牛都唔係特別有咩要求，所以就叫198蚊個個。職員都會sell下你食$298呀$258呀，不過最後都係揀左$198。都好夠食呀，花膠雞湯底都幾濃味，基本肥牛任食，普通打邊爐料呀丸呀菜呀都有，野食全部都正正常常，四款汽水任飲。不過個鍋有啲細2. 13蚊一位醬料，鼓油+六款配搭（碎指天椒、蒜蓉、炸蒜，蔥碎，芫茜碎、仲有款唔記得）。普通到無得再普通，仲要唔係有個類似醬料bar既位置比你任拎。而係一坐企職員會放一盤有晒六款配搭既盤比你，仲催你快啲拎，因為佢要拎走。其實$13蚊一位醬料好貴，外面大把地方係免費仲要有十幾廿種選擇3. 職員都有求必應，仲會好主動加湯，落單寫幾多會黎幾多，第一輪上菜速度好快，之後就會變慢。4. 食野前會上一碟炸魚蛋燒賣，呢個幾特別，同幾好食。食到臨完場個時會上一大碗糖水，係刨冰黎，不過其實已經好飽唔係幾食得落。5. 環境：鋪頭主打懷舊風，其實都無咩特別，懷唔懷舊就見仁見智。值得一讚既係間鋪係好乾淨。總結：食過一次就算了，無咩特別，同樣價錢出面會有更好選擇。