影片
更多
2004-08-11
12 浏览
同朋友行過旺角諗唔到食乜﹐經過呢度諗起有得獎招牌貨炒出錢一丁﹐朋友唔太肚餓又可以食粥於是就走左入去。下層爆晒棚﹐要上二樓﹐原本都無咩野﹐但係坐低無耐﹐諗緊食乜野的時候﹐附近D “煙囪”開始發功﹐煙霧彌漫﹐極之難頂。雖說旺角區食肆已經預左係0甘﹐但係既然樓上抽風系統唔夠強﹐點解唔劃做非吸煙區﹖原本諗住煙如此大﹐下次先幫襯﹐點知望下個餐牌原來一坐低唔幫襯就走的話要俾$30! 簡直無理到極點﹐連熱茶都無Serve過一杯﹐憑咩收$30? 直頭同屈人無分別...!OK﹐反正坐低左﹐無理由咩都唔食唔飲就要放低$60架﹖一於試下你D野係唔係如此“掂”?叫左一個豬頸肉炒一丁﹐一個煲仔牛肉粥﹐一客招牌雞翼﹐一杯凍檸樂。先上個雞翼﹐老實講﹐碟雞翼炸得係幾好味﹐但$20 得四隻中翼就真係貴左少少﹐唔好唔記得呢間只係粥麵茶餐廳﹐我真係唔明點解要$5 一隻雞中翼(仲要唔係大隻)...再黎個粥﹐滾就夠滾﹐但係一睇D牛肉“片”得如此薄就知道唔掂。朋友分左一小碗俾我﹐果然﹐淡而無味﹐牛無牛味﹐粥底亦唔夠厚﹐空有煲仔之名但各位絕對唔好期望會係同煲仔飯一樣色香味全。等左接近15分鐘﹐個炒一丁終於黎到(朋友已經食得七七八八
煙霧彌漫﹐極之難頂。雖說旺角區食肆已經預左係0甘﹐但係既然樓上抽風系統唔夠強﹐點解唔劃做非吸煙區﹖
原本諗住煙如此大﹐下次先幫襯﹐點知望下個餐牌原來一坐低唔幫襯就走的話要俾$30! 簡直無理到極點﹐連熱茶都無Serve過一杯﹐憑咩收$30? 直頭同屈人無分別...!
OK﹐反正坐低左﹐無理由咩都唔食唔飲就要放低$60架﹖一於試下你D野係唔係如此“掂”?
叫左一個豬頸肉炒一丁﹐一個煲仔牛肉粥﹐一客招牌雞翼﹐一杯凍檸樂。先上個雞翼﹐老實講﹐碟雞翼炸得係幾好味﹐但$20 得四隻中翼就真係貴左少少﹐唔好唔記得呢間只係粥麵茶餐廳﹐我真係唔明點解要$5 一隻雞中翼
(仲要唔係大隻)...
再黎個粥﹐滾就夠滾﹐但係一睇D牛肉“片”得如此薄就知道唔掂。朋友分左一小碗俾我﹐果然﹐淡而無味﹐牛無牛味﹐粥底亦唔夠厚﹐空有煲仔之名但各位絕對唔好期望會係同煲仔飯一樣色香味全。
等左接近15分鐘﹐個炒一丁終於黎到(朋友已經食得七七八八)﹐睇落就好似好正﹐亦無話炒到一舊舊﹐但一食入口﹐原來同乾炒河粉類味道無乜分別﹐一樣都係滿口油同重鑊氣﹐伴菜(椰菜絲洋蔥絲)有D仲唔熟添! 而豬頸肉份量OK﹐但切到鬼死0甘厚﹐一來入唔到味﹐二來咬得辛苦。真係吹漲﹐牛肉粥d牛肉應厚就薄﹐炒公仔麵的豬頸肉應薄就厚﹐如果0甘都叫得獎美食﹐我諗D評判可能以前未食過好野。
食到一口油諗住問伙記要杯凍水清清個口﹐點知個伙記望都無望我﹐大聲講句﹕冰水$8 杯!! 我即刻定左。
我地原來入左謀人寺開餐.........
環境唔掂﹐食物唔掂﹐又無服務﹐仲要貴到無倫..
我真係諗唔到有咩原因我會再幫襯-_-;
张贴