本身跟朋友一行四人抱住好高期望諗住試吓為食龍,因為佢哋真係好難book位! 我哋都係用WhatsApp係一個月之前book定位。 一心諗住嚟試吓啲腐皮壽司有幾正， 當晚8:00準時到達見到佢嘅裝修係的確係好得意好打卡able….睇餐牌嘅時候已經發現其實佢食物選擇唔算太多, 主要係腐皮壽司有唔同嘅魚生配搭, 炸物, 飯團,幾個選擇既飯麵。咁本身我哋諗住叫住啲腐皮壽司同小食試吓先再嗌， 但係因為佢last order。 所以我哋再嗌多咗十幾舊腐皮壽司， 飯團同埋甜品。第一round 腐皮壽司嚟到： 其實已經覺得舊舊嘅味道差唔多 ，魚生亦都唔太新鮮。 連三文魚都冇乜味吞拿魚更加係比較難食， 帶子同赤蝦都係因為調味上面有少少搭救， 唯一係甜蝦壽司係比較有味。 仲有壽司係唔會提供Wasabi嘅唔知係店員冇提供，定其實餐廳本身就沒有？
另外帶咗嘅醬油蒜香炸雞， 食頭兩舊都覺得唔錯但係再食多幾舊嘅時候就真係覺得太鹹！因為主食都揀唔到再嗌啲咩， 所以我哋就帶咗個甜品窩夫。我哋揀咗海鹽拖肥香蕉味，本身waffle 麵粉一啲都唔香冇乜味只係靠另外提供嘅拖肥醬
如果一心係諗住嚟打卡我覺得絕對係可以， 因為佢餐廳嘅裝修係的確係好可愛。如果係想黎試佢嘅食物主打既腐皮壽司，咁我就唔建議因為味道真係令人好失望試過一次就夠了。
1
