宏 (已搬遷) 新店位置

從未寫過食評既我, 今晚食完就很有衝動要立即來寫番篇...與朋友共7人一齊食晚飯, 我地全部選了$99那個餐, 但落單時waitress服務差, 我地7個餐既組合waitress攪左一輪先落到...唔係呀嘛!!!!我地已經逐個講自己既配搭,咁都攪唔掂,應該唔係熟手侍應吧...仲有當我地一落單時waitress已經話餐中其中一款甜品士多啤梨蛋卷沒有, 點知落完單無耐又同我地講抹茶蛋卷都無...4款可選既甜品2款都無...攪錯... 當時其實只係7點幾, 咁快就無咩選擇...最先黎既係蘋果/芒果荼, 原來只係茶包既茶...失望!! 我叫芒果茶,仲要無咩芒果味...只係普通茶一杯!!我地大多都叫了味增烏冬麵, 以份量黎講女仔食無問題, 男仔就一定唔夠飽了~餐中最好食既就係個香草蛋卷, 好有蛋味, d cream都整得唔錯.整體黎講, 我覺得麻麻地, 服務唔係好, 食物種類唔係多, 惟一好食既就係個卷蛋, 所以黎呢到都應該只係食甜品就夠了.p.s.係咪因為個餐$99,唔駛加一服務費, 所以真係無咩服務可言?!?