講返今餐飯先，呢間總店歷史悠久，由門外嘅招牌到入面嘅裝修都保持住果種懷舊味！
玻璃門有塊黃色布襯托住一張紅色嘅新年剪紙，而家就覺得好「娘」，可能當年好流行！
燈光又氛氛暗暗咁，可能爸爸年代都屬於拍拖勝地。
入面地方其實唔大，兩邊都係迫迫細細嘅卡位。雖然今日係星期一，但依然坐滿客。
羅宋湯&餐包
同平時去花X餐廳一樣，每個餐都跟湯同餐包。
湯落足料，有椰菜、甘筍同西芹～～平時嘅西芹我一定唔食，不過佢煲到淋晒無晒味我就照吞。
西冷牛扒 & 荷蘭豬扒
牛扒雖然大件，但拿到粉紅色，好淋，連無牙阿婆都食得，bf表示唔知自己食緊乜！
我食呢件豬扒比較好少少，不過同樣拿過，只係無件牛扒咁嚴重。只有d蒜同黑椒汁叫正常d~
餐飲
