影片
更多
2025-07-30
777 浏览
第一次寫食評。直入正題，Mazura 同 Hanwoo 都賣晒咁就聽吓侍應有咩推介啦。我哋想要啲牛味比較重嘅，咁侍應就好好咁推介咗dry aged 同 USDA 嘅牛扒俾我哋，仲揀埋熟度(medium rare)其他菜式唔多講，蟹餅八爪魚龍蝦通粉都係咁上，冇咩特別。我只係想食牛！所以都唔同女朋友share直接嗌兩份。USDA Certified Super Prime Beef - New York Strip切嘅時候已經唔對路（點解咁熟嘅？我由邊開始切起）侍應話係由舊牛中心起計，我都冇乜所謂，最緊要好食。直至到放入口嗰下，嘩，嗰種普通係震撼到我，呢句說話有啲奇怪，但你冇聽錯。好似係你去咗outxack叫咗塊牛肉，然後冇期待咁放入口，食緊嘅時候你先諗返起原來自己坐係間高級嘅扒房由ouxback俾人掹返去麗晶嗰種突然其來嘅震撼。肉淋得黎有咬口有碳火味，知道自己食緊牛，完，普通。我心諗唔係啩試埋另一塊先。Maura/Spain - Dry Aged Tenderloin 聽到個名都覺得好正，本身怕dry aged完之後嚿肉邊變硬，但用牛柳去做一定好正啱啱好。一放入口，嘩，我夠膽講一個怕食牛
直入正題，Mazura 同 Hanwoo 都賣晒咁就聽吓侍應有咩推介啦。我哋想要啲牛味比較重嘅，咁侍應就好好咁推介咗dry aged 同 USDA 嘅牛扒俾我哋，仲揀埋熟度(medium rare)
其他菜式唔多講，蟹餅八爪魚龍蝦通粉都係咁上，冇咩特別。我只係想食牛！所以都唔同女朋友share直接嗌兩份。
USDA Certified Super Prime Beef - New York Strip
切嘅時候已經唔對路（點解咁熟嘅？我由邊開始切起）侍應話係由舊牛中心起計，我都冇乜所謂，最緊要好食。直至到放入口嗰下，嘩，嗰種普通係震撼到我，呢句說話有啲奇怪，但你冇聽錯。好似係你去咗outxack叫咗塊牛肉，然後冇期待咁放入口，食緊嘅時候你先諗返起原來自己坐係間高級嘅扒房由ouxback俾人掹返去麗晶嗰種突然其來嘅震撼。肉淋得黎有咬口有碳火味，知道自己食緊牛，完，普通。我心諗唔係啩試埋另一塊先。
Maura/Spain - Dry Aged Tenderloin
聽到個名都覺得好正，本身怕dry aged完之後嚿肉邊變硬，但用牛柳去做一定好正啱啱好。
一放入口，嘩，我夠膽講一個怕食牛肉騷味嘅人都啱食。一般會覺得食dry aged會唔會好濃味，重牛味之餘又會有少少芝士或者堅果嘅味。你放心佢完全冇，好似係煲湯度撈上嚟嘅肉。冇錯係好腍，但無味，真係連肉味都冇。兩塊扒俾我嘅感覺就係充滿炭烤嘅肉，完。
絕對唔介意俾貴嘅價錢去食飯，只係想有相對應嘅食物質素。自己親身食完餐飯再睇網絡上嘅食評同 worlds 101 best 呢幾隻字。我睇唔透，不斷反思係咪自己嘅問題？可能之後都係乖乖地落樓下超市買塊靚少少嘅牛煎算。
734 浏览
0 赞好
0 留言
张贴
