銀杏館 (已結業)

今日請客食晏，大家都慕名咁去咗牛頭角彩霞道55號富貴長者屋彩頣居地下的銀杏館食晏，例湯木瓜湯是送的，味道很好，蒜蓉炒油麥菜是用自家有機農埸供應的油麥菜炒的，味道特別好，但係叫佢少油都好多油，原先叫左酥香倉魚，但係因為冇倉魚所以佢哋建議我哋叫豆腐火腩炆斑翅，好難食，好似啲唔識煮餸嘅人煮餸一樣，土魷冬菇肉餅煲仔飯啲餸唔錯，但係啲飯太削，亦都冇飯焦，我問過夥計份量會唔會大得滯，佢話啱啱好，原來我諗應該夠三至四個人食，埋單＄374，好彩客人沒有怪我，佢話最緊要係得償所願，終於可以試到。