銀杏館 (已結業)

今天下午雖然下雨天，我們仍然來到一間社會企業創業人士的（銀杏館）/（需要行五至十分的路程）到達素食餐廳吃飯，這裡環境清幽雅致👍👍👍，服務員和藹可親（退休人士長者的待應生）👍👍👍，食品質素十分可口和有水準👍👍👍，真的使我有家常便飯的感覺⋯⋯👍👍👍👏👏👏😋😋😋值得再來吃飯！😊😊😊現在，我感覺真的很少找到這樣的懷舊風情餐廳吃飯和服務專業人士來招待客人們！心情好，胃口也好！👍👍👍☺️☺️☺️

貴為社企名店，推動長者就業，絕對值得社會大眾多點光顧支持！呢間銀杏館設於提供長者一站式住宅服務嘅彩頤居內，貼心地令長者足不出戶都有健康餸菜食！因為臨近新年，廚房改了餐牌，只提供選擇較少的賀年菜式。媽媽老火靚湯$38 一盅，雪梨豬𦟌湯，真係有自家湯水嘅味道。其他湯水嘅價格都好貴，花膠螺頭湯要$98一盅。有機香茅雞$238，味道幾創新，有機雞完全冇脂肪肥膏，雞肉厚又嫩滑，食濃味點可蘸薑蓉。柱候炆豬手$88，似豬腳多過豬手，骨多肉較少，都炆得幾淋身。枝竹炆竹笙$98，有大量枝竹，少量好細條嘅竹笙，仲有有機生菜墊底。枝竹有豆味煮唔爛，口感幾特別，成碟餸味道好淡。因為要遷就老人家食得健康，餐廳整體全部餸菜味道都偏淡，唔適合重口味人士。可能因為用健康食材嘅關係，價錢亦比我想像中偏貴，如果想有清靜環境食健康嘅粵菜，不坊考慮嚟呢度。希望下次再嚟食嘅時候轉返個餐牌，有多啲菜式揀

今日請客食晏，大家都慕名咁去咗牛頭角彩霞道55號富貴長者屋彩頣居地下的銀杏館食晏，例湯木瓜湯是送的，味道很好，蒜蓉炒油麥菜是用自家有機農埸供應的油麥菜炒的，味道特別好，但係叫佢少油都好多油，原先叫左酥香倉魚，但係因為冇倉魚所以佢哋建議我哋叫豆腐火腩炆斑翅，好難食，好似啲唔識煮餸嘅人煮餸一樣，土魷冬菇肉餅煲仔飯啲餸唔錯，但係啲飯太削，亦都冇飯焦，我問過夥計份量會唔會大得滯，佢話啱啱好，原來我諗應該夠三至四個人食，埋單＄374，好彩客人沒有怪我，佢話最緊要係得償所願，終於可以試到。

一直都好想試下呢間社企, 一來支持下長者就業, 一來亦好想試下懐舊菜.  其實佢價錢唔算平, 但味道真係好地道好唔錯, 份量亦好足, 而且外表亦十分吸引, 真係色香味都滿分!  就算你唔知食咩好, 一班長者都會有好多好介紹比你! 今次因為只有2個人, 所以只係叫左2碟推介餸, 下次一定要拉大隊再嚟試其他餸菜!

已是第3次嚟食晚飯,除咗支持社企外(已政府對支持社企出咗很多.....sorry寫錯,係很少力),亦希望有意自食其力的長者有多一個行業可選擇.對上2次係自己一家嚟,因父睇見雜誌介紹一些懐舊菜,終於嚟咗2次試佢地d菜......用洪荒之力推介(因除新蒲崗德龍外,未食過有水準/用心製作懐舊菜).但今次本人唔會有相給大家睇,因真正懐舊菜係注重味道,賣相其次.推介菜式有:1)拔絲骨2)扣肉煲3)南瓜卷4)倉魚球5)炆班尾煲6)薑汁介蘭7)金銀旦萈菜8)豬肺湯(每日限量)9)鮑魚雞湯10)反沙芋另留意last order每晚8点9.希望大家支持吓佢地!!!!

位於彩頤居富貴長者院舍地下的中餐廳，曾經幾次易手，現在由杏林館社企營業，惠顧時你會發現，坐在你身旁位置的大多是長者住客！而杏林館僱用的也是退休人士，招呼你的都是充滿活力的長者啊！在這裏晚上七時半前會提供大概＄40＋的一人套餐，當中包括湯、青菜、主菜及白飯／白粥。今天入座時已經是八時多了，所以叫了餐牌上的餸菜，選擇可不少。前菜及灼菜是送的，由於這裏是長者食堂所以灼菜幾乎是沒有油的啊！其他的餸菜也比一般食肆清淡、少油，若要吃很重口味的這裏不適合你了！這味餸是侍應叔叔介紹的，也很花巧，在上是紅菜頭及膠筍，下面是蛋白及蔬菜混合而成的，一看便知道營養豐富，容易入口，賣相也很好，味道也可以！這龍躉煲，真的不可輕看，內有枝竹豆腐燒肉，而且墊底還有很多蔬菜，份量大亦很能送飯。看圖不知道這是什麼？這是柚皮啊！份量可不少！沒有苦澀味，有灑上蝦子，很有水準，可試餐牌上白飯、湯及甜品均有價錢，但事實上熱情的招待下，我們每一位的白飯及湯也是沒有收費，另外侍應還問我們吃不吃糖水呢！我們四人進餐，平均只百多元一位!！超值！！來杏林館的食客早一點來比較好，這裏關門時間比一般餐廳要早，另外於時節想吃健康一點的家庭飯這裏

一大班朋友食飯，係到訂左三圍，有間房。填表做VIP有9折，每人$224埋單，個人覺得係正常價，侍應個個都係伯伯，都幾好傾，有d仲好風趣！食物不過不失。一開頭個冷盤味道真心有d奇怪，薄荷味既淮山我真心唔明咩玩法。個人麻麻地。但之後有個豬手我覺得好好食，佢炆得超林，一d都唔會覺得肥！仲有生菜伴碟，中和返d汁，讚另一個都ok既係雞！個皮勁脆，個肉都好有雞味，仲好滑！不過真係唔好意思再影相。服務很好！如果食物可以再好味d就perfect啦！

知道這裡開了社企銀杏館，一直想試試，但總是以為很遠，原來在淘大花園和利基大廈中間的一道樓梯直上走五至十分鐘便到達，是商場連鎖餐廳外的好選擇。不得不介紹這款由侍應推介的拔絲骨，除了拔絲骨美味外，連伴菜也吸引了我，通常在街外吃，多肉少菜，但這裡的伴菜很多，也很好吃。雖然這裡的侍應全是上了年紀的老友記，但他們的服務很好，除了介紹好味的小菜外，仲提醒我地點適當的分量，好貼心。好期待下次有機會再試其他好味菜式！

支持社企 - 銀杏館唔經過都唔知九龍灣開咗間銀杏館，地址在九龍灣彩頤居長者屋。呢間社企推廣長者就業，讓老人家發揮所長，老有所為。待應、廚師、收銀、清潔均是上了年紀的老人家，服務態度甚佳，面對我地呢d生面孔都超有禮貌；食物標榜無味精無雞粉，連蔬菜都係用長者農夫種的有機蔬菜，絕對吃得安心。午市點了檸檬梅子蒸排骨及乾炒豬扒河，附無味精例湯及灼菜，炒河唔油夠鑊氣，製作用心份量又足，味道很不錯。可能唔太多人知關係，人不多，如在附近想揾食不妨來支持幫趁吓吧！FB: smallsmallsmalllin