小炒皇

一直聽講呢道嘅小炒火喉夠勁，所以見今晚黎開呢頭就黎試下。服務同上菜速度都唔錯，侍應好細心同我地介紹菜式有咩材料。
我地一共嗌左2個菜: 東江豆腐煲同西芹炒斑球。呢個份量啱啱好夠2-3個人食。
東江豆腐煲好清甜唔會太咸。我特別欣賞佢加左陳皮整嘅鯪魚肉，令味道更豐富有層次感。另外西芹炒斑球亦都好新鮮非常有鑊氣。最後老闆仲送左嗰大大份嘅黑芝麻糕俾我地，芝麻味濃而且甜度適中，好軟熟。
下次再黎試埋嗰煲仔飯同埋海鮮!

西芹炒斑球(左) 東江豆腐煲(右)

黑芝麻糕