茶餐廳2.0 (已結業)

今日同男朋友黎到愉景新城食飯，平時過黎都係因為行ikea順路，所以都好少認真睇呢度有咩食。今日發現呢間茶餐廳2.0，就決定一試。入座後，發現佢係名符其實既茶餐廳2.0，係一間行中高檔路線既茶餐廳。呢度連和牛鐵板燒同港女最愛既雪糕雞蛋仔都有得食。最後我同男朋友決定中西合壁，佢叫左一份澳洲T骨扒，而我就叫左個沙拉骨小菜套餐。呢度有唔小特飲，只要加 10 蚊就可以轉，我就揀左雪糕紅豆冰。野飲同餐湯都上得好快，野杯隻杯仲要有d毛語錄feel，幾搞笑沙拉骨小妹我一直都好鐘意食沙拉骨，認為沙拉骨最緊要夠多醬。呢度控制沙拉骨既醬汁控制得好好，唔會過多，但又足夠包住塊肉排。味道好開胃好好送飯，讚！肉排有先炸香左，肉質夠淋。順帶一提佢份量好大，我只係食到半碟，男朋友幫手都係食唔哂。澳洲T骨扒呢塊澳洲T骨扒真係好鬼大塊！如果係我，一定食唔哂。伴碟有黑椒汁同薯菜，我地揀左5成熟。不過因為係鐵板，到食既時候已經有7、8成熟了。肉質幾淋，值得一提既係T骨扒有好多痴骨位同脂肪，呢d位d肉特別香，好有肉味。個黑椒汁好香，又夠多，就算塊扒咁大，食到最尾都仲有汁。T骨扒上面有用香草醃過，令到成個味道更豐富。呢個價錢，又