影片
更多
2018-03-24
168 浏览
今日中午約左舊同學係銅鑼灣聚一聚，由於我唔係地膽，所以同學就發板介紹我去試吓依間叫凡高廚房嘅餐廳。餐廳地點方便，上到去侍應就安排我哋坐係較邊位置，看看周圍嘅佈置，真係有一種古典嘅味道，有別於平時食開嘅西餐格局。如果係帶另一半黎，應該唔會有投訴啦！坐低之後，即刻睇吓餐牌有啲咩嘢食先。午餐嚟講，價錢係依區一啲都唔算貴，有set lunch可以揀。我同同學叫咗兩個餐，一個係意大利鴨胸烤餅，一個係西冷扒，另外再加多個海鮮拼盤一齊share。傾咗一陣計，啲嘢食就到啦！先係麵包同餐湯， 麵包黎嘅時候係暖暖地，食落鬆軟，同學讚好好食，差啲想叫老板俾多個咁款。餐湯係雜菜湯，飲得出係好足料，一啲都唔hea果隻。之後輪到海鮮拼盤出場。一人份黎講，加埋主菜食可能比較多，兩個人share反而覺得啱啱好。先食生蠔，夠哂鮮味同海水味，蝦，點上cocktail醬食一流，至於螺肉，都好有咬口。青口就平時比較少食，唔太好，所以由同學幫手包辦。到主菜嚟啦！可能我同學比較鍾意食麵粉嘢，甚至我覺得係失控果個級別，所以烤餅一黎到，佢就完全冇理過啲配菜咁專攻個烤餅。再勁啲係佢一路食一路讚，連老板都忍唔住走埋嚟同我同學分享啲嘢點整
餐廳地點方便，上到去侍應就安排我哋坐係較邊位置，看看周圍嘅佈置，真係有一種古典嘅味道，有別於平時食開嘅西餐格局。如果係帶另一半黎，應該唔會有投訴啦！
坐低之後，即刻睇吓餐牌有啲咩嘢食先。午餐嚟講，價錢係依區一啲都唔算貴，有set lunch可以揀。我同同學叫咗兩個餐，一個係意大利鴨胸烤餅，一個係西冷扒，另外再加多個海鮮拼盤一齊share。
傾咗一陣計，啲嘢食就到啦！先係麵包同餐湯， 麵包黎嘅時候係暖暖地，食落鬆軟，同學讚好好食，差啲想叫老板俾多個咁款。餐湯係雜菜湯，飲得出係好足料，一啲都唔hea果隻。之後輪到海鮮拼盤出場。一人份黎講，加埋主菜食可能比較多，兩個人share反而覺得啱啱好。先食生蠔，夠哂鮮味同海水味，蝦，點上cocktail醬食一流，至於螺肉，都好有咬口。青口就平時比較少食，唔太好，所以由同學幫手包辦。
到主菜嚟啦！可能我同學比較鍾意食麵粉嘢，甚至我覺得係失控果個級別，所以烤餅一黎到，佢就完全冇理過啲配菜咁專攻個烤餅。再勁啲係佢一路食一路讚，連老板都忍唔住走埋嚟同我同學分享啲嘢點整點煮先至有咁好味。我就冇理到佢，慢慢享受我果塊西冷，我叫嘅係最普通嘅七成，醬汁分上，可以更容易食得出肉嘅質素，以價錢黎講，依塊扒冇得彈。配菜係薯蓉，好味但食哂會好飽，女仕要諗諗 (因為仲有甜品)。
食完主菜，當然輪到跟餐甜品啦！可能老板實在同我同學傾得太開心嘅原故，佢竟然話幫我哋嘅甜品加咗料，變咗係焦糖燉蛋加草莓蛋糕。。。咁次真係要變肥肥豬啦！加埋杯即磨咖啡，真係超滿足。
张贴
