翠華餐廳 (已結業)

夜晚九點，兩個人唔係好我肚餓，去咗翠華食晚餐。晚餐餐牌原來得一款，就係黑椒牛扒配蝦球，有菠菜忌廉湯，餐包，有嘢飲。 其實我唔明呀，點解翠華咁有名，可以整個咁樣嘅晚餐出嚟。仲話馳名奶茶，真係好難飲，菠菜忌廉湯OK嘅，但係咩係蝦球？！就係一隻有雪味嘅蝦。個牛扒就普通，叫左7成熟，連埋啲黑椒汁，同普通碟頭飯真係冇乜分別！海南雞飯係無餐配嘅，叫呢個真係左出事。 雖然啲飯唔係比白飯，都叫係油飯，但一啲都唔香，個雞就凍冰冰瓊晒油咁，冇雞味，腍滋滋！其實之前食個牛尾米線同鐵板公仔面好似ok嘅，其實去呢度都係因為貪佢啲位好坐又少人，門口又可以泊車。不過如果唔係諗唔到都未必會再去。