agnès b. LE PAIN GRILLÉ (已結業)

收工去逛街，血拼完，经过呢间食店！而家啲公司好多元化，买衫会做埋食品！呢间就系时装店旁间隔一个位，放雪柜卖埋西饼！黑色主色，好有格调，西饼款式特别，我拣紧时无店员的，过一阵店员返来，西饼介绍嘅描述嘅字比较细，我直接啲问店员，佢好有心机将全部西饼简报一次比我知，一件都系$38（普通款）$48（圣诞节限定款）比想像中平，最后我响「Chocolate Moose」同「Anelie」抉择不下（两件都想试）最后拣了朱古力慕丝，但对眼好唔争气望住落选嘅一位！店员准备用一个黑色名牌纸盒装饼时，讲咗句好邪恶嘅说话：不如你要埋佢，最后都带晒佢地返屋企！ Chocolate Moose:金字塔形状，上面有块星星朱古力，慕丝好浓朱古力味，中间朱古力蛋糕松软，夹埋一齐食！满咀香浓朱古力味，但如果有多一件饼，呢款最好最后食，唔系就会比佢盖过其他味！Anelie:其实系千层蛋糕，有用胶纸围边保存水份，唔干！文字介绍话有朱古力蛋糕、士多啤梨蛋糕，白朱古力忌廉，同杏桃蓉，食落只系一种感觉，蛋糕好松软，几只味一齐食都分唔开，唯一系杏桃肉比较硬，夹在松软蛋糕中央唔系咁夹！一般！个店员个样比较cool! 但服务又几殷勤爽