759茶餐廳 (已結業)

區內食客落樓下食飯，見新開張排隊試下排左15分鐘，整體餐牌都多野食，叫左個鐵板同焗飯。鐵板雜扒來到已心知不妙，上枱已落汁，一啲煙都無，一啲都無燶，完全唔熱，無煎過咁，淡而無味，而且無咩配菜，叫左燒汁，結果係黎左洋蔥汁。完全唔明鐵板左喺邊，普通雜扒飯都煎得香啲啦。跟餐西湯唔叫都唔來。俾餐具唔俾刀，搞笑地，聽到隔離枱大叫：唔俾刀點食啊！！！涷檸茶少甜都仲好甜。叫左個脆豬焗飯，問過侍應，同焗豬扒飯有咩分別，佢話唔知。好，咁我就試下啦！黎到就係最頹茶餐廳廿蚊嗰種，太頹關係無影相只想快手食完鬆人。係嗰種放塊芝士喺面再放入多士爐三分鐘溶左塊芝士就算，基本上嗰飯講唔上係熱嘅。重點係脆豬焗飯貴過焗豬扒飯3蚊，完全唔明脆位喺邊，又唔係吉豬，又唔係豬爽肉。。得塊好薄嘅豬扒無味白烚咁，咩配菜都無，突然好掛住大x活個焗豬。下次師兄試下可以叫齊两個ab下。。名牌效應，咁嘅價應該都係區內最貴茶餐廳 ，諗住佢係平價翠華就真係好失望。以後都係食番街坊野穩陣啲！