Cafe Causette

营业中

休息中

約了客人傾野，佢住文華所以順理成章的來呢度邊飲茶邊講。地方當然唔錯，招呼亦唔會失禮，始終名牌係有保證的，所以下午茶時間都坐滿八成人。佢叫藍山我亦叫藍山，亦叫了一件咖啡脆糖批Mocha Flan同plain cheese cake。藍山號稱咖啡中的極品，當然係靚野，但單以咖啡論，我呢D做憤乞兒懶做官，又覺得唔好得過街邊茶檔果杯鴛鴦走糖好多，當然結合環境、氣氛同服務，呢度係頂級的，總不能叫個客去踎勝香園食油占多傾design吧！佢件脆糖批賣相好掂，無份食所以唔知味道，但見佢一路傾都一路食左成件，估味道不會差的；我的芝士餅好有水準，幾時都覺得文華的芝士餅係至正，不過在呢邊食好似要六十多，貴過散買幾倍。埋單佢簽，好似係二百幾，以地方、服務及食物質數論算唔錯。