兜記即燒乳豬專門店 (已結業)

灣仔有家好出名燒乳豬既酒家就在杜老誌道，即集成對面那邊，大大個兜記即燒乳豬招牌就見架喇 ！其實入面同一家普通酒樓無乜分別，中午時間坐無虛席!我地兩大圍人先點了好多碟正正常常的點心，有.....牛柏葉牛肉球蝦餃燒賣春卷凰爪腸粉馬拉榚等，點心方面有驚喜的竟然係椒鹽豆腐粒，既香外皮超脆，有入口即溶既感覺，口感比得上一口和牛，豆味也重，值得一讚 ！還有流沙包也一流，蛋黃甜度也好夾得好好，也不會爆汁，粒粒砂糖未溶晒好有o趙頭，較其他酒樓有水準 ！當然來到一定要叫佢地既招牌燒乳豬啦，$688一隻，價錢非常進取，稻香先$288一隻仲要大隻過佢，兜記與新斗記看齊，那我地兩圍就一席平分半隻！上檯賣相幾唔錯，你地睇相片可見，乳豬皮都燒得幾薄，好脆口，肉也切得薄，整體來說也物有所值，值得一試 ！點心價錢其實都幾貴，馬拉榚咖哩土魷等未加一已經是$26.8, 而椒鹽九肚魚小食是$68, 如大家為了乳豬兩來的，我會建議叫套餐食例牌成半隻就會抵少少 ！