名捌月 (已結業)

又係搵嘢食時間，今日經開荃灣見過客，行下路德圍附近見到一間西餐廳，睇睇下個餐牌有幾啱食，就入去坐低。地方都幾大，仲見到有個沙律吧任食，然後自己揀set lunch。煎香草鱒魚扒：大大塊魚扒，外皮煎到脆口，入面魚質地 非常嫩滑，又有健康嘅雜菜抵，食落去唔會太油膩，配埋黑椒汁口感非常一流。美式BBQ豬肋排：BBQ醬非常突出,吾會太鹹，豬肋排肉質非常淋，吾會有好多雪味，亦都唔會有騷味， 薯條新鮮即炸，有薯仔味，亦都有咬口。餐廳其實lunch set種類多好多,建議大家可以早一些唔使排隊，一班人一齊share食都幾開心。