祥仔辣辣 (The LOHAS) (已結業)

之前食過「祥仔」，已覺得餐廳新穎多變嘅菜式好有驚喜，所以今次就同朋友去咗另一間同屬名廚張錦祥主理嘅川菜餐廳，睇吓會唔會有更多驚喜😆🌶水晶酸辣粉（$78）水晶粉係薯粉，食落煙韌好有咬口，味道酸酸辣辣，係一道可帶動食慾嘅開胃前菜，但不可揀選辣度，對我嚟講就辣咗啲啦😆🌶肉骨茶 (麻辣)（$88）肉骨茶加入多款藥材熬製，除咗原味外，仲可揀麻辣，辣度可因個人喜好揀選，確係幾特別👍🏻肉骨茶藥材味幾濃，滲出麻辣香味，配料有豆卜、豬粉腸及豬潤等，飲落暖胃👍🏻🌶招牌祥仔酸菜魚（$248）酸菜魚賣相吸引，除咗加入乾辣椒及花椒等香料外，仲加入咗法國rosemary，令味道更獨特！另魚片一啲都唔腥，入口嫩滑無骨可以大啖食，連一向唔好魚嘅我都食咗不少，仲食到舔舔脷😋湯底加入咗大豆芽及酸菜等，味道酸酸地好開胃惹味，我哋仲加咗個白飯撈湯汁食😋酸菜魚有小辣至勁辣可揀，怕辣嘅仲可揀無辣，但其實食酸菜魚點都要有少少辣先好味嘅😆🍹情迷百香（$48）飲品係以梳打水及新鮮百香果肉調製，百香果味好香，味道少少酸但唔甜，解辣一流😎🍹竹蔗茅根沙冰（$38）竹蔗茅根水就飲得多，沙冰真係第一次飲，夠晒特別😳竹蔗茅根水係自家製，之後再整成