新同樂魚翅酒家 (已結業)

昨晚一行三人到跑馬地新同樂食飯，分別叫以下餸菜：蔥爆班球、蝦膏生菜煲、梅菜扣肉、荷香蒸雞、三個白飯。加三杯汽水再加兩個三人分量甜品分別是杏仁茶及馬拉卷。埋單千二蚊有找，個人認為，以一間名店食肆來說抵！住菜蔥爆班球：食到是新鮮海魚，跟在西貢及鯉魚門海鮮食肆食到的海魚味道差唔多。蝦膏生菜煲：沙煲煮，到枱上煲仍然 "啫啫" 聲，生菜很爽口和很爽脆，暫時係第二間食唔到咁好味。梅菜扣肉：餸飯必選，梅菜唔咸，豬肉少肥唔 "淋" 口兼夾夠晒味，好食！荷香蒸雞：雞蒸得很滑，連雞胸肉都唔 "鞋" 身，冬菇吸晒啲雞及雲腿汁勁好食！甜品：杏仁茶：勁滑完全無渣。馬拉卷：其實是馬拉糕卷，但加左啲咸蛋黃做夾心，勁好食！坐位舒適，就算兩個成年人一起坐在卡位亦很闊落。待應生服務周到，經常會替你補茶水，而茶葉亦不是行貨，飲落很有茶香。