白宮咖啡室 (已結業)

今日唔似平時週末咁要排隊, 不過肚餓冇理咁多照入去。睇清楚餐廳擺設餐牌格調唔同左, 侍應都係生面口, 估係易左手。 叫左兩個餐, 飲品等左十分鐘先到, sorry 一冷一熱飲品既糖漿都沉喺底, 仲要冇匙羹俾人, 我要用食野支大匙自己攪。味道正常。忌廉魚柳蟹籽意粉 $68sorry 攪勻d 忌廉汁後都係忍唔住影張相, 記錄呢件袖珍size 既魚柳... 蟹籽份量係ok 既。忌廉太濃有d 膩。煎豬扒飯 $69 二十分鐘先上菜, 睇賣相嗰刻我諗我地去左茶餐廳咩? 豬扒肉汁已經走晒上面, 食落仲加乾, 味道唔ok, 但最極品係d 白飯, 應該話BB 軟飯先啱...另一樣令人O 咀既係個侍應妹妹。唔醒目又冇禮貌。最後食唔落, 轉戰附近餐廳。好傷心呢度曾經係街坊食堂, 依家變成咁。