譽麵坊

营业中

休息中

哩間餐廳嘅炸雞, 好味到街知巷聞,  聽聞土瓜灣街頭巷尾無人不識.....講真..... 我孤陋寡聞, 就真係唔知道!所以, 身邊D負能量人士得知後表現得有點驚訝....而想話約我一齊幫襯時, 竟然無開門! (負能量人士黑仔又一証明).本以為從此褶埋咗..... 但近日見到有人寫佢食評, 先知道佢地原來重有營業!點咗柱候牛筋飯，南乳豬手米線，南乳炸雞球同香脆炸雞中翼，睇睇係咪名不虛傳先！優點：1, 好多時點牛筋飯，其實係筋腩飯，但譽麵坊真係俾哂牛筋，一件牛腩都無，牛筋亦炆到無牙都食到，入味而超冧，柱候汁配白飯一流，牛筋份量充足！俾大大個 like!2, 我唔中意米線口感，食咗小量，但雪菜味濃.3, 豬手同樣出色，炆得夠冧同入味.4, 香脆炸雞翼外層超脆，雞肉入味而且juicy，滿意！5, 差唔多每枱都點嘅南乳炸雞球以為用南乳做醃料，原來俾南乳汁俾我點，而炸雞球外表同樣超脆，份量亦充足.缺點：1, 食客出入無手尾唔關好門, 店員又唔重視, 攪到好似無冷氣, 服務大大扣分!2, 豬手份量少咗D喎..... 3, 環境頗窄, 感覺唔太舒服.4, 南乳炸雞外表超脆, 但雞肉呢? 口感頗為鞋口喎