影片
更多
2009-03-01
12 浏览
師傅拿拿聲寫返個打尖食評, 話說尋晚攪左個牛年第一擊嘅飯局, 師傅攪盡腦汁諗下食咩好, 最後就揀左呢間食店, 皆因十九個食評裡面有十五個笑臉, 只得一個喊臉, 應該唔會太差, 加上師傅從來都未黎食過, 成日心思思想黎, 就趁住呢個機會食一次啦!一早訂定位, 七點半準時到達; 坐底後即刻睇下有咩好食啦, 師傅一早收到風呢度嘅太爺雞同士多啤梨骨係必食, 於是就落單柯打, 點知伙計話太爺雞賣晒, 有冇攪錯呀? 咁早就賣晒, 師傅問佢使唔使預定, 但佢又話唔使, 但話晒係招牌菜使唔使預咁少份量呀? 結果都係冇得食! 最後就柯打左例湯, 手撕雞, 士多啤梨骨, 酥炸生蠔, 蝦膏通菜煲, 椒絲腐乳唐生菜, 椒鹽九肚魚, 大蜆蒸蛋同埋七彩南北拼盆!先講下個例湯, 湯係西洋菜煲排骨, 湯真係幾清一d都唔油膩, 可惜係冇咩味道, 一d都煲唔到西洋菜應有嘅味道, 簡單d黎講算係唔夠火喉, 差d喎; 手撕雞就勁大碟, 雞身算幾滑肉身夠鬆, 味道就冇咩特別, 不過可以收貨; 而另一道招牌菜士多啤梨骨, 排骨肉質豐厚軟滑, 不乾不韌, 用士多啤梨煮成的醬汁, 酸酸甜甜, 都幾醒胃, 而汁裡面有少少果肉, 但師
一早訂定位, 七點半準時到達; 坐底後即刻睇下有咩好食啦, 師傅一早收到風呢度嘅太爺雞同士多啤梨骨係必食, 於是就落單柯打, 點知伙計話太爺雞賣晒, 有冇攪錯呀? 咁早就賣晒, 師傅問佢使唔使預定, 但佢又話唔使, 但話晒係招牌菜使唔使預咁少份量呀? 結果都係冇得食! 最後就柯打左例湯, 手撕雞, 士多啤梨骨, 酥炸生蠔, 蝦膏通菜煲, 椒絲腐乳唐生菜, 椒鹽九肚魚, 大蜆蒸蛋同埋七彩南北拼盆!
先講下個例湯, 湯係西洋菜煲排骨, 湯真係幾清一d都唔油膩, 可惜係冇咩味道, 一d都煲唔到西洋菜應有嘅味道, 簡單d黎講算係唔夠火喉, 差d喎; 手撕雞就勁大碟, 雞身算幾滑肉身夠鬆, 味道就冇咩特別, 不過可以收貨; 而另一道招牌菜士多啤梨骨, 排骨肉質豐厚軟滑, 不乾不韌, 用士多啤梨煮成的醬汁, 酸酸甜甜, 都幾醒胃, 而汁裡面有少少果肉, 但師傅覺得士多啤梨果肉好似果醬多d!
酥炸生蠔一碟有八隻, 而蠔身都幾細隻, 賣相真係唔多吸引, 但食落口又幾鮮, 而糕亦算肥美, 還可以; 蝦膏通菜煲, 通菜都頗嫩, 但蝦膏頗多, 所以都幾咸; 椒絲腐乳唐生菜, 生菜夠晒爽口, 所以都算好味; 而椒鹽九肚魚入口香脆但唔乾身, 而九肚魚亦算肥但唔腥, 師傅覺得唔錯, 可以啦; 大蜆蒸蛋用了幾隻大蜆來蒸, 外型賣相又唔算話特別吸引, 再吃一口, 雞蛋蒸得好滑, 但師傅唔明點解要連埋薑絲黎煎, 如果冇薑絲, 師傅一定會加分, 至於大蜆都幾鮮甜, 不是略嫌韌左少少, 收貨啦; 最後係七彩南北拼盆, 有牛展, 鳳爪, 麻辣雞, 燻提同埋海淅, 坦白講呢道菜冇咩特別, 冇一樣係第別好味, 有如雞肋!
總括黎講食物質素尚可但未算特別出色, 環境就幾舒服皆因唔多人, 而服務態度都算可以啦, 至於價錢唔算平架, 平均每道菜都差唔多一舊水, 拉勻平均每人百六蚊到啦; 師傅覺得呢間食店有少少名大於實, 單以今次嘅水準師傅黎講絕對比唔到笑臉, 未知是否希望越大所以失望越大呢? 仲有冇下次師傅亦相信十分渺茫!
张贴
