魚眾不同酸菜魚 (啟德一號) (已結業)

自從有咗啟德站，今日都係第一次過嚟，順便去參觀下有咩生活配套，啟德1號雖然無設有商場，但係都有幾間食肆俾大家選擇，因為我和同行嘅朋友都好鍾意食辣，所以揀咗呢間酸菜魚試下，睇到Menu原來都有好幾間分店有別於其他嘅酸菜魚專門店，呢度有一人餐嘅選擇，亦都有大盤酸菜魚，同埋其他小食或煲仔飯選擇，就算唔食辣嘅朋友都可以過嚟試吓今日我哋就叫咗兩個一人餐，諗住可以試吓唔同味道，呢度嘅一人餐首先叫咗主題配搭，再揀風味湯底，之後可以揀兩款配菜再加一款主食🔥檸檬酸菜湯+鯛魚片+豆卜+黑木耳+薯粉 $75同一般酸菜魚唔同，因為檸檬酸湯，所以味道帶酸，酸酸辣辣好惹味，辣度只係少少辣，飲一啖湯唔會好重味精，另外魚肉因為係鯛魚，所以比較爽口，唔會過淋，魚片亦都好多塊，豆卜吸晒檸檬湯嘅味道，超夾，薯粉亦都超爽口彈牙🔥青花椒酸菜湯+墨魚片+萵筍+豆腐皮+大豆芽 $85因為主食可以轉一個配菜，所以我哋叫咗三個配菜，青花椒湯偏辣，味道比較重口味，適合鍾意食辣嘅朋友，好特別嘅係除咗魚，仲可以揀墨魚片，第一個新鮮嘅配搭，而且估唔到味道都咁夾，豆腐皮同酸菜湯可以話係絕配，吸收晒酸湯嘅香味，必點之選跟餐仲可以加錢叫飲品，分別叫